Ass-nni n letnayen iɛeddan, 3 deg duǧember, ɣelqen abrid aɣelnaw wis 12 yimezdaɣ n taddart Iqemmuden, yettabaɛen ɣer tɣiwant n Tizi Uzzu, i d-yezgan deg unzul n ugerzu, seld asɛuẓẓeg n temeẓẓuɣt n yimḍebbren teɛna temsalt ɣef wayen ssuturen ugar n 5 n yiseggasen-aya, tura. Yerkeb-iten lɣiḍ, ladɣa, ɣef lgaz n temdint d trisiti i mazal ur d-newwiḍ. Yella-d uɣlaq n ubrid deg umekkan iwumi qqaren Annar amellal. ‘’D iseggasen-aya segmi ssuturen isufar yecban-wigi i d-yewwi ɣef yemḍebbren teɛna temsalt akken ad d-awḍen i yimezdaɣ, aladɣa deg talit-agi n tegrest’’. I d-yenna yiwen deg yimezdaɣ n taddart. Sdat n uɣlaq n ubrid aɣenaw wis 12, ɣelqen yiberdan yemgaraden n ugerzu n Tizi Uzzu, dayen ur neɛǧib imsebriden. Ur tefri ara temsalt n tullya n ubrid armi i d-usan yimḍebbren teɛna temsalt i yennejmaɛen akked teseqqamut n taddart n Iqmuden dɣa Ɣer taggara n lejmaɛ, ssawḍen yimḍebbren, ad qenɛen iɛegallen n teseqqamut s faru n yiɣeblen i ten-iceɣben, syin yelli ubrid ɣef 11 n tsebḥit.
A. Z.