Accueil Tamazight Neqsent tddukkliwin deg unnar

Bgayet: Aseḥbiber ɣef twennaḍt

Neqsent tddukkliwin deg unnar

177

Awal, nnan-t-id yimussnawen, d akken acengu amezwaru n twennaḍt, d amdan. Mačči d tigawt, mačči d snat i d-yettwekkiden ayagi. Imi, d netta i d tamentilt ama n usewsex n ugama d udegger n ugudu deg-s. Neɣ n uḥader d useḥbiber ɣef twennaḍt, i kksen medden seg umawal n tudert-nsen. D ayen i d-yeglan s igemmaḍ i yifen tifrat iwumu yezmer walsi.
Ass-a, nettwali deg twennaḍt teqbeṛ, neεṛeq gar tegrest d unebdu. Umma d nnefs-nni i nesnuffus, yeččur d aɣebbaṛ akked yimikṛuben. Rnu ɣer waya, ula d tizegwa-nneɣ, ṛɣant yakk daymi i yenqes ufmiḍi n Oxygene seg twennaḍt. Ahat tiṣeddaṛin tiεlayanin n lḥamu d ssebba n tmes ineddren deg-sent. Meεna, ula d amdan ittekka daɣen deg waya, acku yettḍeggiṛ zzǧaǧ deg ugama. Ayen yessuhamen ugar, llan yiεdawen n tudert, i yesraɣayen tiẓegwa s uɛemmed. Ahat deg yiseggasen yezrin, ssendahent kra n tddukkliwin medden ɣef ubaɣuṛ n tzegwa d wazal i sεant di tudert-nneɣ n yal ass. D anemgal n useggas-a, imi yeḥbes uxeddim-nsent n usendeh d uwelleh n yimdanen. Akken neẓṛa, aṭṭan n Corona, yeḥbes medden deg yixxamen, yegdel fell-asen axeddim. Meḥsub ɣas ma yella ayagi yegla-d s ubaɣuṛ i ugama seg yiwet n tama, meεna seg tayeḍ-nniḍen, iḍuṛ-itt. Acku kra n medden rezzun ɣur-s akked twaculin-nsen, meɛna tḍeggiṛen deg-s ahicur-nsen. Ayen i nettwali tura d anagi, dɣa, ɣas tura kan i yebda unebdu, lameεna ddeqs n tẓegwa i yerɣan. Ihi, yewwi-d ɣef wid teεna temsalt ad d-afen tifrat s uɣiwel.

K. K.