Taɣiwant n Kendira i d-yezgan deg usamer n twilayt n Bgayet, tesfay-d 30 n yimelyunen n sentim deg beṭṭu n tedrimt aneggaru gar tɣiwanin.
Ilmend n wayen d-nnan wufrinen n tɣiwant-a, idrimen-a fkan-ten-id i ilmend n tlata n yiɣerbazen. Iɣerbazen-a d wid ineḍruren aṭas. Ma d tidett, ad asen-ɛiwden ayen yettwaɣen, rnu ɣer-s ayen akk yerzan ttawil n useḥmu. Daɣen, idrimen-a i usewjed n yiwet n tzeqqa n usečči i yinelmaden deg yiwen n uɣerbaz.
D ayen yelhan imi rran tamuɣli ɣef uḥric n tterbeyya meɛna wissen ma tedrimt-a i d-yettunneflen ad tekfu neɣ d tin ara yeǧǧen lxedma deg uzgen akken tuɣ tanumi tmurt-nneɣ.
Djouher Chili