Am yal furar, tettheyyi tdukla n yiselmaden n tutlayt tamaziɣt n lwilaya n Tizi-Uzzu yiwet n temsizzelt n tzabut iwumi semman «Arraz Mulud At-Mɛemmer i tzabut». Timsizzelt-agi ad teḍru ass-a, ass n arim (letnayen) 09 seg furar 2009 deg uxxam n les œuvres sociales de l’éducation. D tin yeɛnan akk inelmaden n uswir amezwaru d uswir alemmas. Aseɣti n tzabut ad yili ass n sem (lǧemɛa) 13 seg furar 2009 deg yiwen seg yiɣerbazen n temdint n Tizi-Uzzu. Ayen yeɛnan arrazen ara yettunefken, llan setta. Tlata i yinelmaden ifazen deg uswir amezwir, wiyaḍ i yinelmaden yufraren gar yinelmaden n uswir alemmas. I lmend n ufraq n warrazen-agi, tidukla n yiselmaden n tmaziɣt theyya yiwet n tmeɣra tameqqrant ara yeḍrun deg uxxam n yidles Mulud At Mɛemmer ass n 28 seg furar 2009.
H.A.M