Lefjer ikemlen
Yerẓen tibrekt n yiḍ
Tugna-m tettbin-d
Yakan truggel
Tagut teɣleb tamuɣli
Lattwaliɣ lǧetta-m tessaeli
Teccucef s nnda ixelxalen
La kem-ttwaliɣ… Ihi ḥliɣ
Tagut… tagut…
Ddqiqa n tlallit
Anda-t yiṭij ?
Anda-t ad yenfu tagut ?
Ad yesjuǧǧeg tafsut ?
Yakan… la ttcummuɣ
La kem-ttḥulfuɣ
Ajeǧǧig, lyasmin, rrwayeḥ
D tafsut!
D talallit yeǧǧuǧgen
Di tebḥirt n yisennanen
Anda leersa texleḍ
D uẓeṭṭa n artilat
D ttexmam n lǧettat
Anda iqjan sgelfen, ḥesden
Reggmen, cenfen…
Asemmiḍ icud iɣsan
Maca mi kem-ẓriɣ!
Leemer ẓriɣ!
Mi kem-ẓriɣ lḥamu-m
Tesɣareq-iyi di targegt tameɣlalt
Tagut ! tagut tezzi-d i tmuɣli…
I targit
Bɣiɣ ad kem-ḥumfuɣ… la-ttḥulfuɣ
Din, ayen ɣileɣ d tasekkurt
Seg wul-iw yeḥfan tufeg
Mi ldiɣ tawwurt, tedreg
Acmumeḥ amenzu
Di tebḥirt tuffirt n wurrif d uɣurru
Ssarseɣ aḍar lḥiɣ… lḥiɣ…
Ssubeɣ,; uliɣ
Ɛyiɣ ur eyiɣ
Ar ɣur-m mi d-usiɣ
Tagut! Tagut!
La selleɣ tazwara n taɣect
Timmerqemt tebda
Ger lebeid smeḥseɣ
Ajewwaq, tagiṭart
Leud d ubendayer
Inewwer usɣar
Meẓẓi, meqqer
Ferḥen, nnecraḥen
Ahat d tameɣra?
Tameɣra-nneɣ!
Leḥuɣd ar ɣur-m
Kukraɣ… maca ur ugadeɣ
Ijeǧǧigen cmumḥen
Lerwayeḥ ssufɣen
Tudert tizzegzewt tsekker
Aceban d yal ini
Tagut tsuhel, truḥ,; tekfa
Aḍar-iw ur ikukra
Ar ɣur-m i d-yusa
Iṭij! Iṭij d kemmini!
Noufel Bouzeboudja