Ilmend n wass n Ume$ras, lwali n Tubiret yexdem yiwet n tirza $er t$iwant n El-Adjiba, anda yesâedda tasebêit n wass netta d yimezda$ n tudrin n Semmache d La Crête-Rouge. Yewwed $er taddart-a tis snat lewhi n 9 d uzgen, yerra $er tmeqbert n ccuhada, anda yerra tajmilt i wid ye$lin d asfel $ef tmurt n Lezzayer. Am wakken i fursen tagnit yimezda$ n taddart-a akken ad t-snemmren $ef tirza-agi da$ ad as-ssutren kra n ttawilat ixussen, isen-isweâren d tamâict. Sakin, yerra srid $er Semmache $er tjebbant n ccuhada, yemmuger da$en imezda$, yesmuzget i yi$eblan-nsen. Dagi, yerra-d tirirt s tikci n usurdi i useqâed n yiberdan yettawin $er yi$erbazen. Amelyar n santim i as-d-iberreê Ali Bouguerra di taddart-agi n At Äisi.
Lwali akked d yinemhalen ixeddmen yid-s, kra n wudmawen n tsertit i yellan ama di tejmaât n Lumma ne$ deg tejmaât ta$elnawt rran $er u$erbaz alemmas Dahmani Slimane anda i d-yella yiwen n leqdic ameqqran $ef usmekti n wass yecban wagi. Kra n terbaât n ccna n u$erbaz n El-Adjiba, wwin-d kra n tezlatin n umennu$ i d-yesmektayen l*if n wid iqublen anekcam Arumi. Yiwen n uselmad yettwasnen deg unnar n uselmed n umezruy yefka-d yiwet n tmu$li lqayen $ef umennu$ n temnaêt-agi mgal amehras afrensis. Tim$arin n kra n ccuhada wwint-d yid-sent yiwet n tteswira tameqqrant yesduklen ismawen n yime$rasen n taddart n Semmache i fkant i yimvebber amezwaru n tubiret.
M. Smail