Mbeεd lexbar n tlalit n tilibizyu n tmaziɣt (amaṭṭaf w-4), neεreḍ ad d-nawi ugar n ttfasil ɣef tuṭṭfa-ines. Nemlal d mass Mourad Aziri, yiwen seg yimḍebbren n ulamas n uceyyeε n tilibizyu akked rradyu (Centre émetteur TV/RADIO), i d-yezgan deg Ukeffadu (12km ɣef Chemini) iwakken ad aɣ-d-yessefhem tamsalt-a n uceyyeε ɣef lqaεa. Akken kan ad εelmen yimeɣriyen-nneɣ,; d alamas-a i yettkeflen s uceyyeε n tilibizyu-a i akk timnaḍin n tmurt.
Deg wawal-is mass Mourad Aziri yenna-d: »ttawil-a n uceyyeε yewjed deg useggas n2006. Tuɣ-it-id tkebbanit TDA si tmurt n Lalman, tazmert-ines d tin yewwḍen ɣer 20KW; maca tarakalt n tmurt n leqbayel yeččuren d ixnaqen, ad teğğ aṭas n yimukan ur ten-tettaweḍ ara tilibizyu-ya s lemwaji n UHF. Acu kan wid i d-yezgan deg yimukan-a zemren ad tt-walin s ttawil n saṭilit yecban: Hotbird, Nilesat, Atlantic Bird3″.
Imḍebber-a d wi nemlal, yessefhem-aɣ-d, sya ɣer zdat ad sbedden imaṭṭafen n UHF di texnaqin-a ur d-nweεεi ara, am wakken ixedmen yakan i tilibizyu tamezwarut yellan s ttawil VHF.
Mokrane Chikhi