Tikti n tmeɣra i yimɣaren tekka-d seg yimɣaren yakkan n taddart n Mazekwan i d-yezgan deg tɣiwant n Boukhlifa deg twilayt n Bgayet. Dɣa, tidukla n taddart-a s lferḥ d ameqqran ay tessawel ɣer tmeɣra anda akk taddart d kra yinebgawen dduklen ɣer yiwen n uḍebsi. Tameɣra tella-d i yimɣaren s yimɣaren imi d nutni i d-ibezren tadrimt ilaqen. D ayen i yessefraḥen! Ass n tmeɣra, tella-d timlilit ɣef 8 d uzgen n ssebḥ. Akken uɣen tanumi, yella-d usmekti, deg tazwara, deg Unnar Rbeɛṭac, ɣef yimeɣrasen yettwameḍlen din. Syin, d abbudu i yimɣaren akk n taddart d tikci n kra warrazen. Uqbel imekli, yella-d wawal deg unejmuɛ ɣef leqdic n tudkla n taddart n Mazekwan. Γas yettbin-d meẓẓi ayen tga tdukli, ccan n yimɣaren n taddart n Mazekwan yennerna s leqdic n yilemẓiyen. Ahat kan kkint timɣarin ?
D. I