Ddurt-a, deg twilayt n Bgayet kan, llan sin n yimdanen i yenɣan iman-nsen. Yiwet d argaz n 54 n yiseggasen deg Uqbu, wayeḍ d anelmad n 15 n yiseggasen deg At Smaɛil. Yezzi wawal, ussan-a ineggura, ɣef tedyant-a. Akken d-tenna temsulta n twilayt n Bgayet, amur ameqqran n wid yettnuɣen iman-nsen d tudert i yettuḥersen fell-asen. Wiyaḍ,; yal wa s sseba-s, lḥasun ulac yiwet n sseba. Deg tama-nniḍen, i tikelt tamezwarut ur yuli win yemmuten deg laksidat n ubrid, akken d-tenna temsulta. Llant, deg ddurt-a, 10 n laksidat deg yiberdan akk n twilayt n Bgayet meɛna ala imejraḥ kan akked lexsarat deg ṭunubilat. Dayen i yessefraḥen, ma yella ibgaytiyen beddlen tamuɣli ɣef tnehrawt. Yeɛni liḥala n yiberdan n twilayt Bgayet mačči d kra ara d-yini yiwen fell-asen; dayen daɣen i yessiwɛiren tinehrawt.
D. I.