Uguren n uselmed n tmaziɣt uggten. Uguren mačči d wid ara yettwikksen deg yiwen n wass neɣ deg useggas. D tikta ara ibeddlen, qbel kulci, deg yiqerra n les bureaucrates Algériens, deg yiqerra n yibeɛtiyen yumnen s tɛerbubt d tneslemt s ara neffeɣ seg ucadux, ad nekcem ɣer dimuqratiya. Meɛna tikli tebda, la gare tella, win yebɣan ad iṭṭandi, ad iṭṭandi Godot.
Les convaincus d les cons et vaincus mačči kifkif a Si Abou Djerra Soltani. Yiwen seg les brobrosapiens, yumnen s tmaziɣt, yewwet zelmeḍ yeffus, ssbeḥ meddi akken ad d-frun kra n wuguren n uselmed n tmaziɣt. Yettbeɛ akeddab almi tewwurt n le ministre d’Etat Si Abou Djerra Soltani ! Imudd-as rissalatun akken ahat ad as-d-yeclunṭeḥ un rendez-vous d le ministre n tterbiya Abou Bakr Benbouzid. Awal yewwi-d wayeḍ,; iweɛɛed-it imḍebber amezwaru n Ḥamas s le rendez-vous ur d-iḍerrun ara surement ɣas ma qqacwen wacciwen n uzger amellal.
Ɛeddan wussan, rnan wiyaḍ,; argaz yettraju. Frant tefranin, arrac buṭṭan, tiqcicin ceqqrent, lebrizidan ibedd-d, Si – lḥerf lheff – Abou Djerra Soltani ur as-d-yeɣli yizi s iɣi ! Ma d rendez-vous ur d-yelli ur d-yettili. Netta azɣal d azɣal, Abou Djerra Soltani d afriru n les frères muslmans, ur yelli ur yettuɣal d ameɣnas n tmaziɣt. Abrid-is iban, d ddawla islamiya ara ibedden deg tmurt-nneɣ,; d ccariɛa ara d-ireṣṣen fell-aɣ,; s lehna neɣ s ccwal. Timenɣiwt n Kamal Amzal mazal la tecfa-yas Ben Aknoun, win yemmuten s yifassen n At Iččamraren s yisem n tneslmet d tɛerbubt. Ah! Tettuḍ a winnat, a d irfiqen n Abou Djerra Soltani i t-yenɣan ; d iɛdawen n tudert, yenna umedyaz. Yiwen ur yettraju deg yiwen am wa ad d-yernu kra i tmaziɣt. Azrem ur yettak taqemmuct ! Yerna, tidet kan, tamaziɣt-is ur tt-nuḥwaj ara, d tin ara ɣ-yerwin taɛwint n waman.
Dj. Ikhloufi