Accueil Tamazight Issiakhem d tkalitust

Issiakhem d tkalitust

2342
- PUBLICITÉ -

Tikwal, amdan ad yewhem ma ur as-yehwi, deg wayen ixeddem ugama( la nature). Tikwal di&#611,; lewhama tettenfal nnig lḥed-is mi ara yemlil usnulfu n ugama d win n tẓuri, am akka i d- teḍra d unaẓur Issiakhem d useklu n tkalitust. Asmi yexdem Mhamed Issiakhem yiwen l’auto-portrait, werǧin yenwa, ad as-d-iɛiwed ugama. Agama yefren d tafelwit, d ljedra n useklu n tkalitust, deg-s yeḍbaε i lebda wudem n Mhamed Issiakhem! Ayen yessewhamen ugar deg wannect-a, d akken agacur yesefk i unaẓur nniḍen yeddan di lǧerra n Issiakhem akken ad yeg tamawt ɣer cci-agi., wagi d Mass Igharoussen Mansour yellan ula d netta d amekla, nnig n leqdic-ines di tidukkla tadelsant Yusef U Qasi deg At Jennad. Atta-n taqsiṭ amek teḍra: Assen deg yettwamḍel unaẓur M’hamed Issiakhem, Mass Ousmer Djamel yellan d amejjay n wuglan deg tɣiwant n Timizart, izedɣen di Suq N Lḥad, yeẓẓa yiwen n useklu n tkalitus d aleqqaq zdat n uxxam –is isuman ( amzun s ugacur) axxam n tidukkla tadelsant Yusef U Qasi.Simmal yettnerni usklu-nni, simmal yettak-d tiferriwin. Armi d asmi i d-yurew yiwet n tferriwt, inejren s yiwen n wudem armi tefka anzi i yiman usuneɣ yexdem Mhamed Issiakhem s demma. Yiwen n wass, wissen anwa-t umdan-nni, yessentan asɣar ddaw n tferriwt-nni, armi yuɣal mi ara imuqel ɣer-s walbaεḍ ad-as –d- iban d Mhamed Issiakhem s timmad-is i yettwaḍebεen ɣef ljedra n tkalitust-nni, am wakka nettwali ɣef snat n “les photos” yellan ɣer tama n weḍris.. D agacur waya? yezmer lḥal! Lameεna mi ara nerr tamawt ɣer leḥmala d leqder yefka unaẓur Issiakhem i ugama d tagant, nezmer ad d- nini, mebɣir akukru, d akken agama d taɣant, d tajmlit i as- rran i win i ten-iεuzzen aṭas, wagi d anaẓur M’hamed Issiakhem. S wakka temlal tẓuri i ixeddem umdan( unaẓur) d tin i d- tesnulfuy taɣant. Di sin ttmuddun-d ayen yessefraḥen amdan,

Ait Slimane Hamid

- PUBLICITÉ -
- PUBLICITÉ -