Accueil Tamazight S wacu ara d-iglu lɛid n yixeddamen tikkelt-a ?

S wacu ara d-iglu lɛid n yixeddamen tikkelt-a ?

1975
- PUBLICITÉ -

Aseggas-a, amenzu n maggu yellan d lɛid n yixeddamen ur icuba ara wid iɛeddan. Imi, asirem n uxeddam yeqqen ɣer tmeɣra yettwaheyyan di Jijel anda yeḥḍer umaray amatu n tejmaɛt n yixeddamen izzayriyen (UGTA) Abdelmadjid Sidi Said. Di lawan n ddiɛaya n lbuṭ ɣef tefranin n tselwit yezrin, yuzzel wawal ɣef liḥala ideg yettidir uxeddam d wamek i ilaq ad d-yettwasellek si lmeḥna. Kra n win akk i d-yemmeslayen, yeqqar : “Axeddam meskin”. D tidet d meskin, imi mi yufa ddwa i snat ad as-d-nnulfunt tlata. Yugar icerrig tafawet ! Tajernant-is ur tezmir ad tessedreg ayen yeɛran, wala ad tqabel lixsas n yal ass. Yedder s ṭṭlaba, yečča s wallen. Deg yiwet n tdelwit n Rraddyu tis snat i d-yessewjad yal lexmis Mokrane Berrached, yiwen seg yimḍebbren n l’UGTA yenna-d aṭas i texdem tejmaɛt-agi n yixeddamen labeɛda deg usnerni n le SNMG. Yudder-d ahat zzyada n tlata tikwal di 10 n yiseggasen. D tidet ! Maca, yettu ur d-yenni ara acḥal i s-rnan isufar n wučči, n lebni, n llebsa d wayen-nniḍen almi axeddam ur yessaweḍ ad yezdi lqedd-is di tmurt yeččuren d lerzaq, maca tɛum deg-s lmizireyya, la&#7827,; leɛra…atg Yuzzel wawal ɣef usiweḍ n le SNMG ɣer 15 000 DA, lameɛna wissen ahat ma ad yettwaqbel waya, imi ur tezmir ad d-tili tmerna melba ma tɛedda-d si temlilit n tneɣlaft, tajmaɛt n yixeddamen akked yimɛelmen, tin iwumi neqqar “la tripartite”. Γef leḥsab n yimeslayen n yinebgi n rradyu tis snat, timlilit ur tezmir ad d-tili deg wussan-agi i d-iteddun, imi teḥwaj aheggi ara yawin aṭas n lweqt. I umeɣbun-nni n uxeddam, acḥal n lweqt i as-mazal ad yesber ? D acu kan, akken neqqar : “Laẓ yeweɛduyen ur ineqq”. 15 000 DA i le SNMG ahat d lfal ara yessuzfen lḥif ɣef yimdanen, meqqar ad qidden tiram-nsen. Ma d rrbeḥ ur ifut sekkud ur nemmut.

M. Smail

- PUBLICITÉ -
- PUBLICITÉ -