Accueil Tamazight Yiwen yemmut, wayed deg lhebs

Yiwen yemmut, wayed deg lhebs

1671

Lexmis-a iɛeddan, anehhar n lkar ur yeǧǧi ara yiwen n uqcic ad d-yali, dɣa aqcic-a yeddem-d yewwet-it, yenɣa-t. Tadyant-a teḍra deg tɣiwant n Tmokra, yeṭṭafaren daïra n Uqbu, ibeɛɛden ɣef Bgayet s wazal n 90 km. Lkar d win yettawin inelmaden seg Uqbɣer Tmokra, ḥed ur yezmir ad yerkeb ma yella ur telliḍ d anelmad.Yemmut unehhar n lkar ɣas akken wwin-t s tazzla ɣer Sbiṭar n Uqbu. Ma d aqcic i t-yewwten, ṭṭfen yijadarmiyen n Tmokra, atan deg lḥebs uqbel ad ibedd ɣer ccreɛ. Ɛlaḥsab n yisallen i d-yewwḍen, la d-qqaren aqcic yebɣa ad yerkeb s ddreɛ deg lkar, yessefhem-as-d unehhar belli yettawi ala inelmaden.Akka, yiwen deg uẓekka, wayeḍ deg lḥebs. Sebbat lḥasun llant s waṭas.

D.I