Aṭas n yisdawiyen i d-yennan akken aseggas-agi ass n usdawi d asemmaḍ ! imi deg wayen iεeddan xersum ttabdaren-t-id deg wawal, ttmektayen-t-id s kra n tmeɣriwen, s wučči yufraren… ɣas s ufella s ufella kan !
Tikelt-a ttun-t maḍi ! Ula d isdawiyen ur d-lhin ara imi yeɣli-d akked yikayaden. Akken d-nnan ḥaren ad ten-selken, xeddmen akken ad ssalin aseggas mebla ma teṭṭef-iten kra n tneqqiṭ ddaw 5 i yuɣalen tesserhab isdawiyen acku aṭas i iεawden aseggas fell-as. Ayen nniḍen, smenyifen ad nnejmaεen s ixxamen-nsen imi liḥala n tesdawit ur tessefraḥ ara.
Dj. Ahitaghel