Aama n At Zikki seg wasmi d-ilul, i d-yedda lhem yid-s
Ilmeẓyen tneqq-iten tegrawla
Wid i d-yeqqimen nejren abrid i trewla
Wa yeffeɣ ɣer tmiwa n tmurt yemxalfen, wa ɣer lberrani
Ttuɣ,; d akken tamurt-nneɣ tmekta-yaɣ-d di tfernin tid n tɣiwanin
d lwilayat
Kulec ad ibeddel fell-aɣ am tfernin-nni n tselwit
Lxedma i wid yeɣran kan, ma ur ɛedden ara 35 n yiseggasen
Tujjya i wid ixedmen, wiyiḍ aḥlil msakkit
Nekk d acennay, xedmeɣ lbulitik
Ḥemleɣ iman-iw, sulliɣ medden ɣef uqerruy-iw
Win yullin d asawen ad iyi-ireẓ afriwen ɣas akken nekk mačči d afrux
Azref n tudert ulac-it, wissen ma ad d-yennulfu asmi ara nemmet
Ma nemmut, ad d-kkrren wid ara yettun, ad sirmen ayen yelhan
Uccen ad yexdem axxam, ad yekkes tdaɣatt di lamen.
Saibi Lounis