Taddart Iger-Ansar i d-yezgan deg tɣiwant n Iflisen n lebḥer, i yellan ɣef teɣzi n 50 km deg ugaffa n lwilaya n Tizi Wezzu, tuɣal d taddart yexlan segmi imezdaɣ-is ruḥen, tawacult deffir tayeḍ,; ɣer temdinin, ladɣa tamdint n Tigzirt, s ssebba n lixsas n ttawilat n temɛict.
Ass-a, grant-d ala azal n 40 n twaculin, beɛd mi llan deg wazal n 3000 n yimezdaɣ. Liḥala-ya d tin yeǧǧan aɣerbaz amenzun ad yemdel tiwwura-s seg sin n yiseggasen-aya segmi ulac arrac ara yeɣren deg-s. Ilaq ad d-nerr lwelha belli taddart-agi i d-yezgan ɣer yiri n lebḥer, ɣas akken tzad deg ccbaḥa, ttawilat n tudert d wid ur nwenneɛ ara, imi yella lixsas deg waman d yiberdan d wayen-nniḍen.
Dalila. I