Takebbanit n lgaz akked trisiti (Sonelgaz) n lwilaya n Tizi Wezzu tzenz azal n 5000 n teftilin n néon segmi tebda lḥemla akken ad yenqes uḍeyyeɛ terisiti. Aya yettili-d ladɣa deg tallit n unebdu anda seqdacen yimezdaɣ trisiti s waṭas tugart i usismeḍ n yixxamen i-d yeseglan deg yiseggasen-a yezrin le délestage.
Ilaq ad nerr lwelha belli tiftin-agi d tid yessenɣassen azal 1/5 n trisiti ɣef teftilin-nniḍen. Tiftilin-a seqdacent azal n 100 watt deg lawan ideg tiftilin n néon seqdacent azal n 20 watt, ayagi d ayen ara d-yeglun asenɣes deg tuččit n trisiti, d usenɣes deg tfakturin.
Lḥemla-agi teɛna deg tazwara-ines lwilaya n Lezzayer tamanaɣt, Blida d Tizi Wezzu anida SONALGAZ teznuzzu 4 n teftilin n néon s wazal n 250 DA.
Dalila. I