8 n tɣiwanin deg ugafa n lwilaya n Tizi Wezzu ad d-sfaydint s waman n tisit n ubaraj n Teqsebt. Tigi d Tigzirt, Iflissen, Bujima, Azeffun, Aqru, At Caffa d Zekri i yellan ttidirint deg yiwet n liḥalla iweɛren seg lixsas n waman n tisit am unebdu am tegrest.
Taɣiwant n Iflissen n Lebḥar tenṭer nezzeh, anida ijeɛbuben n waman rsen seg useggas n 1989 mebla ma yella useqdec-nsen ar assa. Aya deg teswiɛt anda taɣiwant n Tigzirt d Azeffun ttidirent lexsas n waman deg wussan n yimuras ayen yeǧǧan iḥewassen n tamiwin-agi ad regglen seg-sent. Yerna ddula tessewjed isenfaren-niḍen deg uḥric n waman, ladɣa les stations de dessalement deg temdint n Tigzirt. Aɣbel-agi ur d-yufi ara tifrat imi tineggura-ya d tid i iḥebsen mi ara yembiwel lebḥer. S waya aman i d-seffint seg lebḥer d wid ur nesfi ara ayen yeǧǧan imezdaɣ ur ten-seqdacen ara i tisit.
Abaraj n Teqsebt ad d-yawi tifrat i uɣbel n waman ideg ttidirent tɣiwanin n ugafa n lwilaya n Tizi Wezzu seg 20 yisegassen aya.
Dalila I.