Asmi akken i d-yekcem zzhir tudrin-nneɣ,; nnejmaɛen kra n yemdanen deg yiwet n taddart. Ṭṭamen, yebda yettɣummu iṭij s uɣerbal, yeqqar : “A sidi, nekni texḍa-yaɣ taluft-agi i d-rnan : Rrebrab !”. Yiwen seg ugraw, d asekran, yenna : “Ay atmaten, wigi d aɛdawen n tudert, ad aɣ-snegren”. Dɣa yekker fell-as leɛyaḍ,; imdanen ddan d le chef. Kra n wussan, atan wwḍen-d yimexlaq-nni, sserɣen aɛecciw n lqayed n taddart. Yekker wawal, tennejmaɛ taddart. Aselway, ihedder, yeqqar : “Ay atmaten, wigi ur tettḥin ara, ad kksen fell-aɣ sser, ilaq ad d-naf tifrat”. Atan, yenṭeq usekran-nni: “Ala ay atmaten, imexlaq-agi ḥedqen, lhan, ur d-wwiḍen ula d yiwen deg-neɣ!” Yezzi ɣer laqayed, yenna-as : “Yewɛer nnif a diddu.” Tigi yakk, d tid nettidir tura. Amek a ɛaǧaba n Rebbi, La Dépêche tuɣal telha ! Ziɣ d aɣmis ideg zemren isertiyen ad arun, ad d-run ɣef wayen ddren. Γef uɣmis-agi dɣa i sseḍwen wigi yettrun akka acḥal d aneɣmas i ten-id-yezwaren s akabar-agi. Yiwen seg-sen, yenna : “Les decisions du chef sont indiscutables. Ou c’est nous, ou c’est la Dépêche.” Wayeḍ,; yessaweḍ almi yenna i yiwen n uneɣmas : “Xḍu-k i uɣmis-agi, ilul-d iwakken ad yerẓ akabar-nneɣ akked yimagdayen.” I tebɣuḍ tiɣzifeḍ ay iḍ,; duleqrar ad yali wass. Zzin, nnḍen isertiyen-nneɣ almi ttarun di La Dépêche, qqaren-d : “Notre chef est un dictateur.” Ala, yelha, yeɣra, yettwali mebɛid, et pourtant akka i d-tennam asmi akken i d-nenna : “D awezɣi ad d-yekcem le chef dans nos libertés individuelles”. Cukkeɣ ur tettɛeṭṭilem ara ad terzum ɣer la maison de la culture de Tizi iwakken ad txedmem yiwet akka n temlilit. Aṭas i tecnam fell-as ula d nettat !
M. Smail