Ilmeẓyen ilulen gar 1977 d 1987, iban-d ad awin akk lkarṭat n lɛesker. Dɣa, lkazirnat yeskelfen deg tedyanin am ti, bdant, seg 23 mayyu ideg nella, tikci-nsent. D acu kan, lexber, waqila, wid yewwḍen ɣer tesdawit, d wid yeṣwan igerdasen, ur tent-ttawin ara. Rray am wa, yeddem uɣlif n temḥaddit s lemcawra d uselway n tegduda, Mass Bouteflika. Iseggasen-a ineggura, s rrebrab ideg tettexibiḍ Lezzayer, ur yeshil ara i yilemẓi ad yili d aɛeskri s 45 n wussan n uderreb. Rnu, ddula tettxemmim ad terr lɛesker n tmurt am wid n tmura tiberraniyin, ad uɣalen d ixeddamen s ttawilat ilaqen. Aya, d ayen ara yesferḥen ilmeẓyen, ɣas akken zik qqaren-as “ma tfukeḍ lɛesker-ik d argaz a mmi.”
D. I.