Timlilit i turar terbaɛt taɣelnawt n ddabex n uḍar tikelt iɛeddan zdat n tin n Maṣer tebɛen-tt yimezdaɣ n tɣiwant n Leɛǧiba s yiwen n ccuq ur yezmir yiwen ad t-id-yeglem. Iwakken ad ddun d lebɣi i wigi ur nezmir ara ad ruḥen alamma d Blida, imḍebbren n tɣiwant sxedmen ttawil n Data Show di berra. D ayen i yeǧǧan imdanen zhan timlilit-agi deg yiwet n tegnit n lferḥ imi terna terbeḥ lezzayer s yiwen n ugemmuḍ ifazen. Aya, ur d-yelli ara kan di Leɛǧiba, maca ula di La Crête-Rouge, d ttawil-agi i yettusxedmen. Taɣiwant n Bechloul, ur tezgil ara ttiɛad-agi, imi ula d nettat tessexdem ttawil-agi i d-ijemɛen aṭas n yemdanen. Γef wakken i nesla, timliliyin akk ara turar terbaɛt taɣelnawt ad tent-tebɛen yemdanen di snat n tɣiwanin-agi am wakken i d-tella tmezwarut.
M. Smail