Tella-d tullya n yiwet n tzeqqa ilmend n udawi n yimuḍan n wul, s wudem unsib sɣur uneɣlaf n leqraya deg sbiṭar Muḥamed Neddir n Tizi wuzzu deg ddurt yezrin. S waya ad zemren yimuḍan n wul, ama d imezdaɣ n lwilaya ama d imezdaɣ n lwilayat-nniḍen, ad dawin deg lwilaya n Tizi Wezzu melba ma ruḥen ɣer tmanaɣt imi d tazeqqa yesɛan ttawilat atraren Azal n 1000 yimuḍan n wul i useggas ara yizmiren ad dawin deg sbiṭar n Tizi Wezzu. Asenfar-agi d win iwmi yettunefk azal n 16 yimelyaren n sentim. Am wakken i yettuceyyaɛ umejjay mass Raḥi ɣer Franssa i wazal n useggas iwakken ad yelmed amek seqdacen ttawilat-agi. Aselḥu n ttawilat-agi itraren d win iwmi ilaq azal n 2 ɣer 4 n yimelyaren n sentim i useggas. Si tama-nniḍen, deg tirza n uneɣlaf n usegmi ɣer lwilaya n Tizi Wezu, yenna-d ad yelli usewjed n yiwet n tzeqqa n désintoxication ilemend n udawi n waṭanen n yedmaren neɣ les maladies thoraciques.
Dalila.I