Taɣiwant n Beni Duala i d-yezgan ɣef teɣzi n 20 km deg unẓul n lwilaya n Tizi Wezzu, tesfaydi-d s ddeqs yisenfaren deg yeḥricen yemgarraden. Imi taɣiwant-agi i yesɛan azal n 22 000 yimezdaɣ,; ɣur-s ala yiwet n tesnawit, ayen yeǧǧan tizeɣwa n leqraya ad ččarent s yinelmaden. Dɣa, rnan-as-d asenfar n lebni n yiwet n tesnawit deg umkan iwumi qqaren Icerdiwen. Lecɣal n lebni i ilaq ad bdun deg-s deg waggur n mayyu yezrin, yella uɛeṭṭel s ssebba tizrawin ur nekfi, s waya yetturaǧu ad bdun deg lacɣal deg waggur n ɣuct. S zzyada n tzeɣwa n leqraya, tasnawit-agi tamaynut d tin ara yesɛun asečču n 200 yimukan. Si tama-nniḍen, deg wazal n 12 n iɣerbazen n uswir amenzu i yellan deg tɣiwant n Beni Duala, yella-d usewǧed n yimekwan n turart i warrac imeẓẓyanen. Am wakken yetturaju ad bdun lecɣal n usewjed n yiwet n temkarḍit deg taddart n At Mesbaḥ. Asenfar-a d win d-tsewjad tnemhalt n yidles. Tesfaydi-d tɣiwant-a s yiwen n usenfar n yiwet n l’unité de protection civile ideg ddan lecɣal deg wussan-agi ineggura.
Dalila. I