Tayi d tadyant yeḍran d yiwen n ukumirsi deg yiwet n tezniqt n temdint Bgayet. Tasebḥit, isuli rridu akken ad yebdu areqqeɛ daxel n tḥanutt-a yekra ussan-nni kan. Yegla-d s umassut. Yemla-yas-d acu yebɣa ad yexdem. Amassut seg lǧiha-s yenna-yas-d acu n sselɛa i as-ilaqen. Mmeslayen anwa ara d-yaɣen sselɛa. Γer taggara mmifhamen d bab n tḥanutt ara d-yawin sselɛa. Icawer amassut acḥal ara s-d-ttqam sselɛa, amassut yerra-yas-d s wawal : “laqen-ak azal n ɛecrin melyun.” Imar yakan, bab n tḥanutt isawel axxam ad as-d-glun s yisurdiyen. Tameṭṭut n bab n tḥanutt, izedɣen deg tɣiwant-nniḍen, tesles lqecc i yelli-s, teddem-d isurdiyen, teṭṭef-d lkar ɣer Bgayet. Mi d-tres seg lkar, tuɣ-d abrid ɣer tḥanutt n urgaz-is. Mi telḥeq ɣer tqenṭert n langar, ineggez-d yiwen urgaz fell-as. Yejleq-as yelli-s gar yiɣallen-is. Tameṭṭut s lxuf, tenna-yas “Err-iyi-d yelli, ad k-d-fkeɣ tacekkart-a yisurdiyen.” Akken i as-qqaren leqbayel acu tettmenniḍ ay aderɣal : cwiṭ n tafat. Din din argaz yukren taqcict, yebra-yas-d, yeṭṭef tacekkart yisurdiyen ddaw ṭṭabeq-is, yerwel.
Gar yemdanen i d-yewwin lexber s tmeṭṭut-a ad d-tawi isurdiyen, tella nettat, yella urgaz-is, yella umassut. Amassut d bab n tḥanutt ur mfaraqen ara yakk.
Ait Ighil Mohand