Azal n 56 n twaculin izedɣen deg temnaḍt n Tiniri taɣiwant n Buɣni i isuturen lekwaɣeḍ n wakal i yimḍebbren n tɣiwant iwakken ad sfaydin s lemɛawna deg uḥric n lebni n tmezduɣin n tudrin i yewwḍen ɣer 70 imelyunen.
Tiwaculin-agi i izedɣen deg yiɛecciwen, ttidirent deg lḥif ameqqran : lixsas n waman, lgaz d trisiti. Maca, ayen suturent d awezɣi ad yeḍru ɛlaḥsab yimḍebbren n tɣiwant i d- yeqqaren belli akal-agi yuɣal ddaw tecḍaḍt n ddula seg useggas n 1963. Tiwaculin izedɣen deg yiɛecciwen-a, ttasent-d seg tudrin n At Kuffi, At Mandas d tudrin-niḍen, yiwet deffir tayeḍ. Akal-agi n 128 yigṭaren n yiwen n umerkenti i tewwi lḥukuma deg lawan-nni n tawra zziraɛiya.
Si tama-nniḍen, imezadaɣ n Tiniri, deg yiseggasen yezrin ɣas akken ɛerḍen s ẓẓur ad awin akal-agi, imi ɣelqen taɣiwant 15 n wussan, maca imeḍebbren ur sen-fkan ara ayen sututen imi macci d azref-nsen. I usmekti, tiwacullin-agi d tid yugin ad ruḥent ɣer tama n Icawec anida ttwaheyyant tmezduɣin. Ɛlaḥsab-nsen, amkan-agi ulac deg-s laman yerna yeqreb ɣer umkan n trusi n zubiya.
Dalila. I