Accueil Tamazight Yemma Gouraya s ccna n tferka

Yemma Gouraya s ccna n tferka

15769
- PUBLICITÉ -

Yal i&#7693,; win iran ad yezquqef cwiṭ seg uɣamac n wass, ad yerzu ɣer uxxam n umezgun Malek Bougermuḥ neɣ ɣer uxxam n yidles Taos Amrouche, ad inezzeh, cwiṭ seg bezzaf, ama d ccḍeḥ ama d ccna n tefriqt i yekkin deg wahil n tmeɣra n yidles Panaf 2009.

Lɣaci mačči d kra, amzun ibjawiyen ffɣen-d akk ad walin d acu i d aɣanib n yifriqen. Tirebbaɛ i d-yesfaqden ɣer Yemma Guraya d tid n Malawi, Mali, Togo, Tanzanie, Guinée, Ouganda, Ethiopie d Zimbabwie, rnant-d ɣur-sen kra trebbaɛ n Lezzayer. D ayen i yeǧǧan tarwa n yemma Guraya, akken yekk yi&#7693,; nutni d ccḍeḥ d umcaḥ n la crème.

Imḍebber amezwaru n yidles, Mass Murad Naser, yenna-d “Nxemmem i tɣiwanin-nniḍen, Panaf ur yettɣimi ara kan da deg Bgayet, ad yezzi ɣer Ticci, Aweqqas, Aqbu, Sidi Ɛic, lḥasun ulac dayra ur nzeggel.”

S zzerdat am ti ideg ttidiren yibjawiyen d wid i d-yerzan ussan-a n unebdu, iban d ayen ur tettun imi yal iḍ ad ten-id-tafeḍ s twaculin-nsen ttrajun melmi ara bdunt trebbaɛ am “Chichiria” n Malawi neɣ “Africa Percussion” n Togo neɣ daɣen wid-neɣ ama d iḍebbalen n Tizi Wezzu ama d icawiyen ama d isṭayfiyen, atg.

Dj. Ikhloufi

- PUBLICITÉ -
- PUBLICITÉ -