Urɛad yewwiḍ 3 yiseggasen segmi kfan lecɣal n uɛiwed deg ubrid i d-yezgan gar Adekkar d Iɛekkuren, iwmi qqaren abrid aɣelnaw w-12, yuɣal akken yella, yexser deg kra yimeḍqan mačči d kra. At Ikumya ttcektin i wid ara d-yeslen imi d nutni i d imezwura i ineṭṭerren. “Abrid yettwaɣ mačči d kra. Deg yiḍ ɣer wass, ad d-ibin uxemmuj ajdid. Amzun kra ur t-xdimen deg ubrid-a. Ziɣen ɛawden-as akken ad as-ɛiwden imi ara kfun lecɣal deg-s.” Akken i d-yenna Ali, yiwen n unehhar n ukamyu n Tizi Wezzu, i yettawin abrid-a ssbeḥ meddi imi yeqsed sselɛa-s deg usagen n Bgayet. Ar melmi ara ttfakkan lecɣal ur d-ttuɣalen ɣur-sen ?
D. I.