Ma d lmir n Uqbu i d-yennan di diɛaya n tefranin n tɣiwanin i iɛeddan, “ad d-rreɣ Aqbu d Legniz.” Meɛna, waqila, yehaw-yas kan mačči s teftilin n yizenqan ara yuɣal Uqbu d Legniz ; yella wayen yezwaren aya.
Brahim Benhamoche
Win ara yerzun ɣer temdint n Uqbu deg wussan-a n unebdu, ad as-yenwu di London i yella. Ayɣer ? Acku taɣiwant tɛawed akk ipuṭwen n tafat n ubrid. Wid ɣlayen i d-bedlen, Akken d-nnan wid i ten-yesbedden : “d wigi ixedmen di tmurt n Legniz.” Si tama- nniḍen, ad naf azal n 25 yixxamen deg yiwet n taddart i yettabaɛen taɣiwant n Uqbu, iwmi qqaren Riki “village amirouche” mazal ar ass-a imezdaɣ-is ur sɛin ara tafat deg 2009. Ar ass-a, tuget deg-sen ctaqen tiqit n waman isemmaḍen. Wissen ar melmi ara d-iferrej Rebbi fell-asen.