Accueil Tamazight Inelmaden n uswir aneggaru deg yir lihala

Inelmaden n uswir aneggaru deg yir lihala

1475
- PUBLICITÉ -

Inelmaden n uswir aneggaru deg uɣrem n l’architecture deg tesdawit n Mulud Mɛemri n Tizi Wezzu, d wid yettidiren deg yir taswiɛt kra wagguren kan qbel ma d-fakken leqraya-nsen.

I usmekti, inelmaden n tesdawit-agi d wid yesɛeddan aḥbas n leqraya deg waggur n meɣres yezrin, i wazal n waggur. Llan suturen ttawilat i ukemmel n leqraya-nsen am lkaɣeḍ n les maquettes, … Aqerru n tesdawit yenna-asen-d, deg lawan-nni, atan ad asen-d-yefk akk ayen uḥwajen. Maca, ayagi d awal kan ɛlaḥsab n yinelmaden. Ad d-nerr lwelha, inelmaden n uswir aneggaru, aseggas w-5, bḍan ɣef 8 trebbuya&#603,; deg yal yiwet 4 yinelmaden.Yal tarbaɛt, fkan-as-d anagar 6 twerqatin n les maquettes, d yiwen n ubakki n twerqatin d telwiḥt.

Ugur-nniḍen d win icudden ɣer la soutenance, imi yella-d yiwen n rray i d-yeqqaren belli tinegura-agi ad ilint deg waggur n tuber. Deg taggara, inelmaden qqaren-d ilaq aqerru n tesdawit-agi ilaq ad yili d amɛiwen n yisdawiyen ; ladɣa wid ara iselken leqraya-nsen aseggas-agi, s tikci n ttawilat ilaqen, deg waggur-agi n ɣuct, seg tzeɣwa n tesdawit iwakken ad selken leqraya-nsen deg tegnatin igerrzen, maca inelmaden seḥsafen imi ayagi d ayen ur d-yellin ara.

Dalila I.

- PUBLICITÉ -
- PUBLICITÉ -