Ixeddamen n lluzin Ifri (aman d lgazuz), yellan deg tɣiwant Iɣzer Ameqran, ḥebsen axeddim ass-nni n ssebt yezrin. Γelqen abrid w-26 i d-yettawin ɣer Bgayet neɣ i yesuffuɣen ɣer Lezzayer tamaneɣt. Ixeddamen-a, suturen timerniwt n lexlas. “Ur ẓriɣ amek ur aɣ-rennun ara deg lexlas, imi amɛellem n lluzin yessaweḍ ad d-yaɣ aṭas yikumya. Labud ikumya-ayi s tidi-nneɣ i ten-id-yewwi. Ilaq ad aɣ-d-yesker amur.” Kra-nniḍen qqaren belli d asabuṭi i bɣan ad sabuṭin lluzin, acku ixeddem aṭas.
Lmir n tɣiwant n Iɣzer Ameqran, yeddem rray, ad yexdem ayen yezmer. Isuter deg sandika n yixeddamen n lluzinat-a, leɛruc yettkelfen s lecɣal n lǧiha-ya d yimɛellmen n lluzinat Ifri, ad sbedden timlilit akken ad d-ffɣen s rray yelhan, ara d-yerren tiqqa gar ixedamen d yemɛellmen.
Ait Ighil Mohand
