Tekfa tfaska n umezgun amaziɣ i d-thegga tdukla “Itri Adelsan” n Uqbu. Seg 17 deg waggur-agi ideg nella, aṭas n trebbaɛ n umezgun n twilayt n Bgayet i d-yerzan akken ad zuznen imezdaɣ n Uqbu. Ayen uɣur tezzi lwelha di tfaska-agi d tuɣalin n yimferjen i d-yettasen s waṭas akken ad walin ticeqqufin. Ttasen-d si yal tama, tuget-nsen d ilmeẓyen i yettaččaren tazeqqa n uxxam n yelmeẓyen n Uqbu yal iḍ. Deg yiḍ aneggaru n tfaska, snat n trebbaε,; tidukla n Ukeffadu d tarbaεt tagmatt n Buḥemza, i d-yuraren ticeqqufin-nsent. Sin akkin, yessenmer “Itri Adelsan” n Uqbu tirebbaε yekkin s warrazen. “S leqdic am wa swayes kan ara nezmer ad d-nejmaε ilmeẓyen, ad ten-id-nwexxer ɣef yir ccufat. Nessaram ɣer zdat ad nesnerni leqdic-nneɣ nnig waya, akken ad d-nerr azmumeg d taḍsa ɣer wudmawen”, i aɣ-d-yenna Mouloud Salhi, d aselway n tdukla n “Itri Adelsan”.
B. Ben.