Snat n tsutiwin ɛeddant ɣef « le chahut de gamins » n tuber 88. Ass-nni, ffɣen-d yelmeẓyen s iberdan bac ad kksen nnuba i tmeḥqranit. Anda yella uzamul n udabu reggment. Reffu-nni d azedgan ur t-tesluɣ ara tsertit. Ssawlen “warrac-nni” i temɛict di liser, mačči i projet de société n leflani neɣ n leflantegga. Ayen mačči d aɣbel-nsen, mačči d cɣel-nsen, yebɛed ɣef reffu-nsen akken yebɛed igenni ɣef tmurt. Ass-nni ɣlint terwiḥin n yizzayriyen. Azekka-nni, yesmar berzidan n yimir imeṭṭi. Numen s mea culpa-nni. Nenna-as dayen waqila ifuk Rebbi lḥif : ad ttwaksent tekmamin, ad ttwaksen leqyud, ad tettwakkes, s tidet, nnuba i… lbaṭel.
Asirem-nni ur iḍul ara. “Nɣan-t di dduḥ”. Tger-d iman-is tsertit. Mačči tin zeddigen : tayeḍ,; tin yesluɣuyen tala. Ass-a, aṭas n wid i as-yeqqaren belli 5 di tuber ilul-d deg les laboratoires bac ad ldint tewwura i tegduda tineslemt. Yezmer lḥal d tidet. Lḥasun, qrib teqqumec tegduda tineslemt ɣef Tmurt.
Ass-a, tawwurt-nni ur teqfil ara, kulec di Tmurt yeṭṭelli-d ur d-yekcim. Ur tengir, ur teqqim, akken i as-yenna win. Azzayri yedder deg yiwen n ubrid ulac gma-s di ddunit : d la démoctature.
T.Ould amar