Tiyiti tamezwarut tekka-d seg tenmehla n tnezzut yettkelfen s uɛeyyer n yifarisen n wučči, ma yezmer ad d-yekcem i tmeziwt neɣ xaṭi. Asmi i t-ɛeyren walan belli yewsex ; ugin ad d-fken ttesriḥ i twaffɣa. Tarmist n usagen n Bgayet (Entreprise Portuaire de Bejaia), truja armi yekfa lweqt i as-yefka lqanun i umdan i d-yuɣen ssker-a : ad t-yerr neɣ ad t-yeznez i wayen-nniḍen. Lweqt iɛedda, sselɛa mazal-itt n bab-is. Tarmist n usagen n Bgayet E.P.B tessuter seg tenmehla tamatut n les Douanes, ad as-d-tefk ttesriḥ ad d-tnadi ɣef umectari. Imiren, ssker yezmer ad yesleḥ i lalkul. Deg-s, ssker ur ixesser ; ad yenz, deg lǧiha-nniḍen abraḥ anda rrsen yinagbaren ad yefreɣ ; ad d-yeǧǧ amḍiq i yinagbaren-nniḍen.
Seg wassen ar ass-a, Tarmist n usagen E.P.B, tettraju seg tenmehla tamatut n les Douanes, kra ur d-yewwiḍ. Ma d ssker ur yenfiɛ la bab-is la lḥukuma ; ur yenzi ur d-yeǧǧi amḍiq.
Mohand Ouhmed