Accueil Tamazight Kkest-t ad nεiwdet wayed !

Kkest-t ad nεiwdet wayed !

1605
- PUBLICITÉ -

Seg useggas n 80, ur tufi tmurt aniwa aḍar iɣef ara tecḍeḥ deg wayen yerzan leqraya. “Le fondamental” yerra aɣerbaz d “Laboratoire”, inelmaden d “les cobayes”. Yal aseggas ad d-yennulfu ujdid, yal tarrayt tessutur-d awenneε d umeyyez. Almi i d-ibeggen uselmed-agi leεyub, tefḍeḥ lbazga, beggsen yimḍebbren s abeddel n tikli. D tidet, abrid i bɣan ad ḍefren d win yessufuɣen, maca ma yella ur d-nesnulfu ara tixlifin. D aselmed s yisenfaren i d-terra tneɣlaft n usegmi d ahilen. Tarrayt-a tekka-d ladɣa seg tmura yennernan u mazal ttnernint. Wicqa ma nεuned-itent, acku win yeddan d win i t-yifen s ayen yettεanad ad t-yaweḍ. Imi, taɣennant tezga tezde&#611,; nnuda amek ara nessenṭeḍ ideddic-nneɣ. Aseggas-a, yerna-d kan ubeddel n taggara n yimalas, dɣa tsubb s anda ur d-tettali. 8 n tsaεtin i wass, leqraya alamma d 5d uzgen n tmeddit, yerna ttawilat n usiweḍ xussen deg waṭas n temnaḍin labeεda deg yidurar εlayen.

Uqbel tuɣalin s aɣerbaz, d wid yettmeslayen s yisem n yimawlan n warrac i d-yemmeslayen ɣef usenqes n lweqt, yeεni ad ɣren yinelmaden 45 dqiqat mačči tasaeεt; yekker wawal, tendekwal tqaεet. Nnan wiya&#7693,; ilaq ad yeldi lakul tiwwura ass n lǧemεa ssbeḥ. Dɣa, qrib tekkir lgirra ! Ass yettwaqedsen d lmuḥal ad yili wawal fell-as. Ihi, tegra-d d aduhhu ur iban sani. D acu kan, tikelt-a, yuɣal-d wawal ɣef temsalt-a. Yezmer lḥal d akken lakul ad yeldi tiwwura-s deg wass n ssebt… tameddit ! Rebbi ad yerḥem Lwennas d Slimane Azem mi nnan: “Terwi tebberwi, yegguma ad d-yeḍher yixf-is.”

M. Smail

- PUBLICITÉ -
- PUBLICITÉ -