Argaz d tmeṭṭut-is nnuɣen. Γef wacu ? Nuɣen ɣef tmaziɣt. Γef tutlayt iɣef mmuten acḥal, ɣef tin iɣef d-yeḍra boycot deg uɣerbaz azzayri. Argaz yugi ad yelmed umemmit-nsen tamaziɣt ; tameṭṭut, nettat tebɣa. Di sin yid-sen d leqbayel, mačči d wid ur neɣri ara, mačči d wid i as-yeqqaren “nekkni ur nlemmed ara tamasiḥt”. Mačči d iεerbawalen neɣ i yugin tamaziɣt, ziɣen, ass-a.
Argaz-a, ɛlaḥsab-is, yebɣa ad d-yini belli nekk εeddaɣ nnig tmaziɣt. Tameṭṭut-is, ilaq ad tt-yefhem yiwen, ad as-yefk azref axaṭer d nettat i yeṭṭfen tutlayt deg yimi n yal aqbayli. Argaz-is, netta, aṭas n tɣawsiwin i as-iruḥen ; yettu d akken d tutlayt tayemmat i yessalayen di ccan n uqcic, tettak-as lǧehd akken ad yissin tangawin-nniḍen. Argaz akked tmeṭṭut, ma ur ten-tesdukel ara tutlayt, d acu ara ten-yessemlilen ?
Ahat tamaziɣt ur tettizmir ara ad tili d tagellidt ger warraw-is.
A. Arab