Accueil Tamazight Simmal ttnulfun-d wuguren

Simmal ttnulfun-d wuguren

1669
- PUBLICITÉ -

“Liḥala n usiweḍ s ttawil n yifurguten gar Uqbu d Tezmalt. Ur tgerrez ara maḍi ama ɣef yimawlan n yifurguyen ama ɣef wid i iteddun deg-sen”, i d-yenna Abdennour Benhamouche s yisem-is d aεeggal di sandika n yifurguyen. Aya sebba-s d lixsas deg waṭas n tɣawsiwin segmi taɣiwant n Uqbu d tin n Tezmalt ur d-lhint ara deg waya.

Di tazwara, imukan ideg rekben medden, ulac deg-sent ula d anida ara iger yiwen s lxaṭer-is (wc), seg lqella n waman d lixsas n tezdeg d laman. Di tezmalt, din ula d tiberrakin anda ara ddarin medden di ccetwa ulac. Imawlen-agi n ttawilat n usiweḍ ttxellisen lmeks n uḥbas ama deg Uqbu ama deg Tezmalt. Anda i ttarran yidrimen-a n lmeks ihi ?

Ugur meqqren di lxedma-agi d lixsas n wanda ilaq ad ḥebbsen yifurguyen. Dɣa, ur zmiren ara yimawlan n yigurguyen ad hebbsen akken iwata bac ad d-refden imerza bla lxuf. Γef 16 yikulimitren n ubrid aɣelnaw uṭun w-26, inehharen n yifurguyen yettawin gar Uqbu d Tezmalt, ḥebbsen azal n 35 tikal. Rnu ɣur-s d ddḥis yettilin gar yinehharen : anwa ara yawḍen d amenzu akken ad yeččar afurgu-s, ad yelheq saεa n uεebbi deg umkan.

Ifurguyen yettawin gar snat n tɣiwanin-agi yennerna s waṭas, ɣer wazal n 300 i yewweḍ segmi d-rnan wid n Bujlil d At Rzin akked Iɣil-Ɛli. Swayeε-nsen ḍeyqent mli&#7717,; tikwal azgen n ddqiqa gar ufurgu d wayeḍ.

D anecta merra i yettili d sebbat n yibaxixen i iḍerrun deg yiberdan, wi i d-igellun s waṭas n terwiḥin.

B. B.

- PUBLICITÉ -
- PUBLICITÉ -