Lhemla n useɛlem ɣef waṭan n tawla n yilfan

Tanmehla n uɣerbaz alemmas Yusef Benberkan n Uqbu texdem yiwet n lḥemla meqqren i uqabel n waṭan n tawla n yilfan. Thegga-d aṭas n yisaragen, amenzu yella-d i yimawlan n yinelmaden n uɣerbaz. Imi d nutni i d imenza ilaq ad εelmen s ssebbat n waṭan-agi axaṭer d nutni iqerben s waṭas ɣer tarwa-nsen akter n wiyaḍ. Deg usarag i d-yefka umejjay Mass Ɛezzi, yefka-d amek i d-ibeddu waṭan, syin isefhem-d amek i nezmer ad t-neɛqel. Γer taggara, yefka-d kra n yiwellihen i ilaq ad fken yimawlan i tarwa-nsen deg yixxamen akken ad ḥadren iman-nsen.

Asarag-nniḍen yella-d i yixeddamen n uɣerbaz ama imi d nutni i tawacult tis snat n unelmad. Mbeεd askan n yiwen n usaru i d-yexdem yiwen n uselmad n la science, Mass Ziri Muḥend Saεid, ɣef tawla n (H1N1) ; yella-d yiwen usarag i d-fkan sin n yimejjayen, Ɛe akked Mɛallyu, deg-s yezzi wawal s waṭas ɣer wamek ara d-yili useεlem d useḥbiber.

Ad tkemmel lḥemla-yagi di tneɣriwin, ad rzun yimejjayen ɣer yal taneɣrit n uɣerbaz, ad mmeslayen d yinelmaden. “Segmi neẓra di tmurt-nne&#611,; xussen wallalen swayes ara yettuqabel waṭan-agi, dɣa nezwar di lḥemla-yagi. Nessaram d tin ara d-yeglun s nnfeε i tarwa nneɣ”, i d-yenna Mass Ɛebdluhab, anemhal n uɣerbaz.

Brahim Benhamouche