Inelmaden s tebluzin-nsen tiniliyin akked tiččiniyin, ttawin ttarran deg ufrag n uɣerbaz, ttrajun melmi ara d-yendah nnaqus akken ad kecmen ɣer tzeɣwa n tɣuri. I tama n wada n ufrag iselmaden d tselmadin-nsen ferqen d tirebbuyaε akken msawen, kra ttmeslyen, kra bedden kkan sikiden wissen d acu. Meεna amur ameqqran deg-sen ḍerfen iman-nsen caxxen ur yeẓri ḥed sani i yunag leεqel-nsen.
Γef udmawen-nsen yettban εeggu, yettban am wakken ɣef tuyat-nsen εaben taεkemt n lesnin yezrin i asen-ihudden tumert deg ulawen-nsen. Layas yettifrir deg wallen-nsen. Tawenza tekres, lqed imal : llan din amzun ur llin.
Mi nqereb ɣer-sen yenna-k yiwen seg-sen : “amek tebɣam ad yennefsusi lxaṭer ? Ur yelli acu i aɣ-id-ijbden ɣer uɣerbaz. Tajernant d leɣrur kkan, ur aɣ tesεiciy ara nnig 18 wussan. Tudert simmal tettiwεir, leεtab-nneɣ yiwen ur iḥulfa yes-s. Ahil i nesselmad ɣezzif, inelmaden ur as-yensihil ara deg wakken si sebεa n tsebḥit alamma d rebεa neɣ d lxemsa n temdit nutni da. Ruḥ kečč ad tjebdeḍ lbal-nsen ɣer leqraya abeεda deg tisaεtin n tmeddit, … Lḥasun am wakka tettwalim xas nettas-d akken ad nesselmad di tilawt ur yelli wul ɣer wanect-a !”
Tidet ! Wid yenṭaren ugar d inelmaden i d-yettaasen seg tuddar- ibaεden, nitni id yettefɣen seg waxxam-nsen ɣef setta n tsebḥit ur keččmen alama d setta n tmedit. Xas d-uzal ad yefsi !
lamaεna anwa yenḥerwen ? Anwa yečča wul-is ? Imawlen selmen bran i ṭabel deg waman. Ula d timisirin yettmuddun afud i walaɣ am tiflut d ccna ttwaksen-t ulac- –iten deg ahil. L’internit yellan d yiwen wallal akken inelmaden ad nesren kra i lxiq i d -asen yenḍen yetwergal fel-asen imi amur ameqran n yinemhalen ur as ggin –ara azal. Ma d ttiseεtin n wadal drus maḍi.
Ussan-a, aṭas yineḥbusen n lxedma deg yiɣerbazen ara d-yilin, slmend n sandikat yellan deg wannar. Aεni yessewham waya ? Am wakken i d aɣ-d-yenna yiwen n uselmad-nniḍen : “s lqella n ttawil, deg yir liḥala ideg nxeddem, inelmaden-nneɣ ttawwin-d igemmuḍen n lεali, i limer llan yakk wallalen, tennefsusi tagnit fell-aneɣ,; amek ara yilli lḥal ? Attan, targit i d aɣ-izedɣen a win yesεan tirga-nniḍen ɣer tid-nneɣ aten-t-id yernu am wakken i d as-yenna umedyaz deg wawal-is !”
Ait Slimane Hamid