Di tagant seg tlata yezrin, inelmaden n tesnawit n Saḥariǧ,; i d-yezgan di twilayt n Tubiret, beggsen ar d-awin izerfan-nsen. Ass n larebεa iεeddan, ruḥen nitni d yimawlan-nsen, iselmaden-nsen d kra n yemḍebbren n tɣiwant ɣer unemhal n usegmi akken ad as-run iɣilifen-nsen d wuguren ttidiren di tusnawit, ad as-beggnen lɣiḍ-nsen.
« Ma, amezwaru n usegmi ur d-yerri ɣef yiɣilifen-nsen, ad kemmlen anaḍeḥ », i d-nnan. Inelmaden-a, ssuturen akken tasnawit ad tesεu allalen n usedwel d yixeddamen. Sḥasfen aṭas acku, akk tibratin uznen i yimḍebren n usegmi, “yiwet ur d-tuɣal s tririt isewben”. Ula d lwali n Tubiret “ireggem-asen ad yefru uguren-nsen” maca d “lewεud kan” i d-nnan.
Iεeggalen n tseqqamut-a, “εezmen, ur ttuɣalen ɣer deffir alamma fran iɣeblan n warraw-nsen di tesnawit”. Am akken inelmaden, ur neqqar, gren tiɣri i uneɣlaf n ttrebga akken ad yefru timsal ma ulac “ad d-ffɣen ɣer uzniq” tikelt-a.
A. Arab