Aḥric n yilmeẓyen d waddal d win iɣer id-rran lwelha nsen yimḍebren n twilayt n Tizi Wezzu, imi d- yesfaydi s tedrimt n wazal n nnig n 13 imelyunen idinaren. Yiwen weḥric n tedrimt-agi ad d-tili yes tiɣin n ttawilat n waddal I yiɣerbazen n waddal d yixxamen n yilmeẓyen. Ma d aḥric wis-sin ad yili deg-s uɛiwed n uheggi d usewjed n yiɣerbazen n waddal d yilmeẓyen. Ttawilat-agi ad sfaydin seg-sen yiɣerbazen n leqraya, n waddal d yedles. Ad nerr lwelha d akken aḥric n waddal d win yettidiren deg lexsas meqren deg twilayt n Tizi Wezzu, anida llant tudrin ur nesɛi ula d annar. Zdat n teswiɛt-agi, ad naf amur ameqran n yelmeẓyen ṭṭafaren yir iberdan am tukerḍa d lehyuf, imi ur ufin ara ttawilat n waddal.
Dalila I.