Ihi amek wakken i t-id-nenna deg uṭṭun n ddurt yezrin, lecyax i d-ṣṣuben s abrid ussan-nni iεedan ṭṭfen deg wawal-nsen anda i d-nnan ma sεuẓẓgen yimḍebbren-agi nneγ γef wayen akka nessutur ad nuγal γer uneḥbus n lxedma ; Σlaḥsab n yimḍebbren s sin n sandikat-agi azal 95% n yiselmaden d yixeddamen s umata i iḥebsen axeddim deg yiγerbazen ass n 1 akked 2 di fuṛar imi imḍebbren ur d-rrin ara γef tiγri-nsen. « Zyada γef uneḥbus-agi n lxedma s usnerni n wussan, meḥsub 2,3,4 ara d-yettilin yal ddurt, lecyax ur ttεemmiren ara akk ayen icudden γer tebdelt (l’administration).» i aγ-d-yenna Mass Rezgui yiwen gar yimḍebbren n UNPEF
I usmekti, ixeddam-a ṭṭalaben : asemsawi n liḥala-nsen deg wayen yeεnan tadrimt, tiddin n lecγal akken iwata deg uxxam n tenmehla, tukksa n tneḥyaft, asizdeg n yikayaḍen…atg
Isallen i aγ-d-yewwḍen, qqaren-d dakken anemhal n ttrebga n Tizi Wezzu yessawel-d kan i CNAPEST iwakken ad yemmeslay yid-sen, dγa lecγal-a dayen yesserfan sandika-nni-nniḍen. « Nerfa γef unemhal imi ur aγ-d-yessawel ara, acu kan nerfa kter γef CNAPEST imi qeblen ad ruḥen weḥd-sen γur-s mebla ma nedda » ikemmel yenna Mass Rezgui.
Akken yebγu yili, ilaq γef yixsimen-a ad d-afen tifrat acku simmal ttεeddin wussan, simmal yettfat lḥal.
Lhocine Ourezki