Accueil Tamazight Amɣar azemni(tullist)

Amɣar azemni(tullist)

37920

Akken akk nettwali, nettzellim tagnit, tban-aγ-d taddert-nneγ amek tella, amek tuγal, anda tessaweḍ. Nettat yellan d tamenzut tuγal d taneggarut ger tudrin.

Ihi taddert-nneγ tettidir deg yiwwet n tegnit tuεar atas, tettidir deg yiwet n teswiεt berriket, yal tazγent terza-d γer teγraγrin n yexxamen teṭṭef tasga teqqim. Tugdi tesqaṭe&#949,; teduri-d imnaren almi nuγ tanumi yid-s. yal axxam deg taddert yegra-d εeryan, yal adaynin yegra-d d ilem, yefeγ-it lmal, icbuyla udamen si zzit, ikufan xlan deg lerẓaq, tiẓegwin uγalent d asuki, ulac win ara ixedmen akal. Lḥaṣun yeεreq webrid ara naγ !

Nekni s imezdaγ n taddert nettawi kan lewhi s wallen. Allen ceεlent, brarḥent maca ulac d acu i nwala. Nettemεassa kan ger-ane&#947,; tezdaγ-aγ teεdawit amzun mačči d atmaten, wa yekwa γef wa. Ulac lḥara id-yemzagan d taye&#7693,; wama iderma fiḥel fell-asen awal! Ula d allaγ yekref, yeḥfa deg ttexmam. Γas akken nesεa tigzi maca ulac d acu i nefhem, ulac win iγ-d-ifehmen.

Akka id taddert ur nesεi aqerru, akka i d atmaten ur nesεi tagmat. Ulac win irefden iman-is, yal wa amek yekkat akken ad-iban nnig n gma-s, nnig lḥara-s, nnig wedrum-is. Wama akken qaren “win izemren yejbed mulac yesres lmejbed”. Ass-mi iεedda wayen iεeddan, yewweḍ-d yiwen wemγar azemni, ilḥa atas deg leεmer, yelḥa ula deg tmusni. Ziγ d mmi-s n taddert-nne&#947,; yeffeγ-itt deqs-aya. Tasuta-nneγ ur tessin ara, maca llan wid is-d-yecfan. Amγar azemni yesla s wayen yeḍran deg taddert-is, yewwit-id nnif yesefqed-d γur-s. yufa-d tarka teswiεt, luγent tlufa, yewwet iγisi annect. Γas akken muḥal yekna i ddel, muḥal izdeγ-it facal, yezewr-d leεqel, muḥal rẓen ifadden-is.yemuger uguren s tebγest, yessaf tegnit s tegzi-s zeddigen, yewwi-d tejbirt i iγisi yewten deg taddert. Yerra-d asirem yerẓa asalu i tikli, yerẓa leqyud s wayes s iγ-cudden. Yebγa ad iεiwed lebni i taddert s wadda, deg lsas. Yebγa ad yekkes tamuḥqranit, tijεal, tukerḍa,lexdeε…atg. Yebγa ad d-yerr asirem γer wulawen n terwa-s,yeččur d tayri n taddert. Almi itt-yecrew merriγet id-yufa tifrat, maca iεdawen n taddert-nneγ zgan εusen-aγ.akken walan qrib ad yeffel γer tizi n liser, akken walan qrib ad yaweḍ γer yeswi, xedεen-aγ deg-s, swezlen-as leεmer.Lulen-d mazal ad-lalen wid yesluγuyen aman zeddigen. Ihi γas yemmut wemγar-nneγ azemni, iga tajbirt i iγisi, yeẓḍa tadukli d tegmat ger-ane&#947,; ixdem-aγ ifadden d tebγest. Yerna yenna:

Umsen wulawen s qeḍran

Ayen n dir nugi at-neṣfeḍ

Nwala akk ayen yeḍran

Lbaṭel nugi at-nenneḍ

Γas bγan ad snegren iẓuran

Win gezmen ad-ilal wayeḍ

Sγur Islam BESSAC