Accueil Tamazight Tullizt n Mokrane Chikhi : Lweɛda tamcumt

Tullizt n Mokrane Chikhi : Lweɛda tamcumt

2308
- PUBLICITÉ -

Yeffeγ-d Γilas seg uxxam s leεjel,ula d lqahwa-nni n ssbeḥ yeswa-tt-id s leqlala.Mi yuzzel akken yefferfeε tawwurt n berra,setti-s yuγ-itt lḥal tesmexẓir deg-s,tenna-yas :

- PUBLICITÉ -

Ruḥ ad ak-yefk Rebbi γef lexlawi !

Netta ur yegzi, ur yeẓri acu yas-d-tenna setti-s,ikemmel tazla-s qsada γer lğameε.

Samir amdakel-is,tuγ yezwar-it-id yakan s azniq ;yufa-t yeqqim γef tseddart n lğame&epsilon,;lbunta n dexxan deg ufus-is.Mi yewweḍ γur-s yenna-yas :

-Yella kra n ugirru ?

-Welleh ar walu.Lbunta-yi d ajmaε i tt-id-jemmεeγ mi tt-iḍeyyer Zzi Lmuhub ;balak ahat tura ad yeffeγ Ḥuḥu,ma yewwi-d idrimen γer yemma-s ad nruḥ ad naγγ.

Γilas,Samir akked Ḥuḥu d arrac imeẓyanen ttemyatalen di leεmer.Γas ma ḥerrcen akken llan di leqraya,lawan n umaris ttuγalen d imcumen.Am nutni am warrac n yimesdurar s umata,sεeddayen ussan n umaris deg ucali γef lexlawi d yiγeẓran :teddun deg yizaliten,ttecfen di tmedwin,ttakren-d lfakya di tebḥirin.Tasebḥit mi ara d-kren seg yiḍes,d lferḥ-nsen ad qqimen γef tseddart n lğame&epsilon,;imiren ad ttawin tiqnaẓ neγ ad snulfuyen tisnifin i s ara ttqejjimen imγaren akken ad ten-sqerqiren.Γas akken nutni meẓẓiyit,meεna ttcummun,ttkeyyifen dexxan.Cemma mačči akk d ugur ar γur-sen,imi tettnuz tin n ufus neγ « nneγda » s ssuma terxes :alef n frank i twejjiḍt.Ticki ulac s wacu ara tt-id-aγen,yessen amek i tt-id-yettḍebbir Γilas :yettεemmir-d seg tbewwaḍt n setti-s mi ara teγfel.

Yettkemmil

- PUBLICITÉ -