Accueil Tamazight D tuγalin n leεrac ?

D tuγalin n leεrac ?

2000
- PUBLICITÉ -

Fursen kra n yiεeggalen n leεrac tagnit i deg tettidir tmurt ussan-a i wakken ad d-gren yiwet n tiγri i tuγalin γer tdukli n umusu-a. Heggan-d, i lmend n waya, yiwen unejmuε ass-nni n yennayer di tzeqqa n uxxam n yidles Mulud Mεemri n Tizi Wezzu anda i d-sfehmen i wid-nni i d-iruḥen s waṭas lmeqqsud-nsen. Di taggara n timlilit-a, nemlal Mustapha Mazouzi, win yettmeslayen s yisem n kra n yiεeggalen-a, yerra-aγ-d γef yisteqsiyen.

- PUBLICITÉ -

Amek i ken-id-tusa tikti-a ?

Mustapha Mazouzi : nekk ttmeslayeγ s yisem n kra n yiεeggalen kan mačči s yisem n leεrac akken ma llan. Tusa-d tikti-a i wakken ad neεreḍ ad nesduken akk iεeggalen n umusu n leεrac. Ihi ass-a nexdem timlilit tamezwarut i wakken ad d-nessefhem iswi-nneγ. Ayen nebγa d akemmel n umennuγ n wayen i nessutur di ‘’la plate forme n Leqser’’. am wakken tezram, yella-d lufaq i yettwastenyan ass 15/05/2005 meεna ar ass-a mazal aṭas deg-s ur yettwaṭebbeq ara. Am wakken i neṭṭalab, di&gamma,; di lḥukkan ad rren yennayer d tameγra taγelnawt.

Amek walan iεeggalen-nni-nniḍen tamsalt-a ?

Yella-d umeslay akk d umur ameqqran deg-sen, mazal ara nettmeslay. Zemreγ ad d-iniγ walan s wudem lεali rray-a, xas llan kra n watmaten n umennuγ kukran ad d-rnun γur-neγ.

D acu i d-teggam di leqdic-nwen ?

Si tura alamma d 20 di yebrir ad d-yili wawal γef wamek ara nessiweḍ ad teṭebbeq ‘’la plate forme n Leqser’’ iwakken ad nefru i lebda tamsal-a. Amusu-a nebγa ad yili d aγelnaw, ad nruḥ ad nemlil imezdaγ n temdinin-nniḍen.

Tezriḍ d acu heddren lγaci γef leεrac di taggara-a, llan wid ur nbeqqu ara lecγal-agi, ahat ?

Amusu n leεrac seg wassmi i d-ilul ar ass-a yesεa aεdawen-is. Ahat amusu-agi ur yesεid ara kra n tamiwin ? Asenfar n tmetti i d-tewwi tγerγert n Leqser yezmer ad teddu yid-s Lezzayer n uzekka.

Yesteqsa-t Hocine

- PUBLICITÉ -