Accueil Tamazight Ayγer ala !

Tizi Wezzu tamanaγt n yidles amaziγ : Ayγer ala !

1854
- PUBLICITÉ -

Ussan-a iεeddan, mğadalen di Bgayet sin n yimdanen i iqeddcen deg umussu aduklan. D yiwen seg-sen i yas-yennan i wayeḍ : « Ayγer mačči d Bgayet i yettwafernen akken ad tili d tamanaγt n yidles ineslem i useggas 2011 ? ». Winna yerra-yas-d : « Tettwafren Tlemsan akken ad tili i useggas-a d tamanaγt n yidles ineslem, mačči imi llan deg-s latrat n tallit tineslemt i yellan daγen di temdint n Bgayet ; maca tettwafren imi d tamurt n uselway Bouteflika ! ».

- PUBLICITÉ -

D tidet, Tlemsan teḥrez aṭas n latrat n tallit tineslemt ladγa wid n lεehd n ddulat n yizeyyaniyen akked yimariniyen, tamdint n Bgayet daγen ula d nettat qqimen-d deg-s latrat n tallit-a, ladγa wid n ddula n yiḥemmadiyen ; acu kan aṭas seg-sen i hudden yispenyuliyen mi d-kcmen di lqern wis 15.I yaγ-iceγben daγen, d tamsalt n yidles amaziγ i umi tlaq ad as-temmag tmesbanit yecban ta. Mebla ccek, tamdint n Tizi Wezzu tger yakan asurif deg ubrid-a, attan tura tessewjad i tfaska n lfilm amazi&gamma,; mebγir ma nettu timzizelt n thuski Miss Taqbaylit i d-yettilin deg-s yal aseggas, timzizet ideg d-tefruri aseggas-a tlemẓit Kechadi Anissa.

Ur yettili ara lxilaf ger yimdanen ma d Tizi Wezzu i yettwafernen d tamanaγt n yidles amazi&gamma,; γas ma d tamdint n Bgayet i iqedmen, i icebḥen, ideg d-yegra later n tgeldiwin timaziγin i yelxin deg tneslemt akked taεrabt. Maca Tizi Wezzu, ideg ttayalen akk yiqbayliyen s lğemla, yelha ma tettwafren, acku deg-s i d-ḍrant i tikelt tamezwarut tmesbaniyin n tefsut n yimaziγen n 20 yebrir 1980. D timesbaniyin-a i d-ineğren abrid i umennuγ γef tmaziγt mačči kan di Lezzayer maca γef uswir n Tmazγa. Timesbaniyin-a,i tent-ixedmen d inelmaden iqbayliyen n tesdawit n Tizi Wezzu,yal yiwen ansi d-yusa : wa seg Bgayet,wa seg Yiberbacen,wa seg Tubiret, wa… Ihi yeqqim-d kan melmi ara temmag tmesbanit-a meqqren s wudem unsib, mebla ccek, ttrajun-tt yimdanen s lferḥ. Wissen kan aγlif n yidles n tmurt-nne&gamma,; γef uqerruy-is massa Khalida Toumi, ma ijerred-itt deg amahil-is neγ mazal ! Di leεḍil ad iban lexbar,ad nerju ad tekfu tmesbanit n « Tlemsan tamanaγt n yidles ineslem », umbeεεed imiren ad nwali !

Mokrane Chikhi

- PUBLICITÉ -