Sbagiti s la polonaise

Ayen i ilaqen :

– Tabbuciṭ n Sbagiti.

– 50 g n wudi.

– Taenjayt n zzit.

– 300 g n weksum yezḍen.

– Tibselt talemmast.

– Kra n tfednin n ticcert.

– Lemleḥ, ifelfel aberkan.

– Afermaj yezḍen.

– Lmaɛdnus i igezem d arqaq.

– 20g n lfarina.

– 25g tumaṭic n tebbaṭ

Aheggi :

Ad nesseww Sbagiti deg waman imelḥen. Mi yewwa, ad t-neslil, ad t-nesqudder, syin akin, daxel n tkasrunt, ad nessefsi udi akked zzit, ad as-nernu Tibselt i negzem d tarqaqt akked ticcert yeẓden, ad t-neqlu ad as-nernu aksum-nni yeẓden, lemleh, ifelfel aberkan, ad t-neǧ ad yeqlu ad as-nernu lfarina ad t-nḥerrek azal n 2 n dqayeq. Sakin, ad as-nernu tumaṭic n tebbaṭ akked litra n waman, ad t-nḥerrek, azal n 10 d qayeq, arma yual d aẓayan. Daxel n uḍebsi, ad nessexleḍ nnefs n sbagiti akked useqqi, ad ten-nerr daxel n sniwa n lkuca, ad as-nezzuzer afermaj yezḍen, ad as-nernu ayen i d-yeqqimen n sbagiti akked useqqi. Ad ten-nessexleḍ, ad ten-nerr ar lkuca azal n 15 dqayeq. Mi t-id-nessufe, ad as-nezzuzer lmaɛdnus i igezmen d arqaq.

S-ɣur Noura