« Mi nwiɣ lmuja ffleɣ-as, ziɣ lebḥar yegguni-yi ! ». Ul-agi-inu d amehbul, mi yenwa yufa iman-is, ad yečč tiyita, ma ur teqqid ḥseb tɣusa.
Ul, akken yessidir i yneqq, a wer ččeɣ ul-iw, a wer yemmet wul-iw, a wer yellez, ad as-tṛuḥ lbenna n wussan. Xas yeṛwa-tent, ijeṛṛeb-itent akken ilaq : ta ḥlawet, ta qerriḥet, ta tesseḥlay, ta tessendaf, yal ta amek i d-aɣ-d-tṛuḥ. Cfiiiiiiiiiiiiiiiɣ asmi
yeḥbek, i tikkelt tamezwarut ; nwiɣ dɣa d tidet, ad tt-nɣellet. Wi ẓran ? Akka i qqaren medden. Ziɣ anida ḍemɛaɣ tafat, i ufiɣ lehwa tekkat. Hé oui ! Tiqriḥin n wul,
snulfuyent-d leɛyub, nlul-d mebla lɛib, lɛib yettṛaju lexxaṛ. D acu i d-nessukkes i leqrar, ma d win kan i d abrid-is ? Ul-inu d afennan, am nek, neɣ yifi-yi cwiṭ. Din yefṛaḥ, din yennuɣna, din iḥemmel, din yellez seg wayen iɛeddan fell-as. Iiiiiiiiiiiiiiiih ! Ḥemmel neɣ qim, lḥu neɣ qim ; ticki ur iban s ani, yifi-t win igan lqid i uḍar-is…
Zira