Accueil Tamazight Leḥrir axuxi, yeqqim d asemmaḍ …

Amur-nneɣ d asayes ! : Leḥrir axuxi, yeqqim d asemmaḍ …

2057
- PUBLICITÉ -

Tageṭṭumt teqqim-d weḥd-s, teɣli am ssaɛa deg ufus, deg wussan-nni…Ččurent-d wallen, tenɣel tiṭ maday teččuṛ, imeṭṭawen ttecruruden ɣef leḥnak am wecrured n lǧetta-s ɣef leḥrir n yiḍ. Usu d asemmaḍ, leḥrir axuxi acyentḥan, da yṣub, da yuli, bexlaf rriḥa n ṣṣura i yersen fell-as , deg yiḍ-nni aneggaru….iḍ deg-i yewwet iɣisi deg wulawen yellzen, yennejlan, akin i lebɣi. Lenwaṛ ttnaɣen am yiniɣ uzeggaɣ d umellal. Ulawen akken zeddigit am wedfel i ssazzalen idammen n iseflan n liser d lbaḍna. Abeḥri n tmeddit d areqqaq, iḥerrek ccac amellal yeṣṣren ṣṣura-nnsen di lbaḍna. Ala netta i d amwanes. Iḍelli kan, tres am leqṭen deg yirebbi-s , tezzi-yas am tlaba tamellalt ur nettawi ara ammus, ḥaca idammen i yḍebɛen deg-s am tecraḍ : deg twenza, deg ufus, deg wul ur negdil yiwen. Awal am lebraq, yekkat ɣer teqruct n wul. Aḥemmel am ineẓẓman n tmeṭṭut asmi ara d-terbu weḥd-s ɣef ṭṭabla n twenziwin : lqerḥ, lbenna n tlalit, tamuɣli, tuzzmiwin, ifassen ttnadin liser, tilin, tudert… kulci d aḥafi, kulci d asemmaḍ, kulci d amsari, lbenna tuɣ lexla, awi-d kan win ara tt-id-yerren, ad as-yemmel abrid s axxam-is.

- PUBLICITÉ -

Zira

- PUBLICITÉ -