Taɣiwant n Ifiɣa, di daira n Iɛeẓugen ,ɣef teɣzi n 50 km deg usamar n lwilaya n Tizi Wezzu, ɣef webrid aɣalnaw W-71 i yessemlilen Iɛ&ugan d Ain Leḥamam. Tella zik deg lɛerc Nat Ɣebri am akken llan deg-s 11 n tudrin: Ifiɣa, Ihelalen, Aclam, Ḥidus, Awrir, Iɣil Tizi, Mǧqnead Tala Taburt.
Ifiɣa d tamurt n yiminigan
Taɣiwant n Ifiɣa tettwasen s ttaqa n yiminigan i tesɛa, (azal n wezgan n imezdaɣ-is).Imi leḥsab n imezdaɣ yewweḍ ɣer 16 000 garasen 8000 d iminigen tuget degsen deg Fransa. Segmi tettusema “tamurt n yiminigen”. Win ara yerzun i tikkelt tamenzut ɣer tɣiwant-a, ad yedhec s lebni n yixxamen i d-yettebanen amzun d ixxamen n yigeliden. Maca deffir wudem-a i i cebḥen, tidet qariḥen, imi taɣiwant yella deg-s lexsas meqren deg weḥric n ucuddu ɣer uqadus n waman am akken ur tesɛi ara cebka n usufeɣ n waman ur nezdig ara. S wakka ad d-nini belli ifiɣa d taɣiwant tiglilt izedɣen imerkentiyen! Tasewiɛt-a d tin yeǧan iminigen d nitni ara yeswejden isenfaren s wazal nsen ilmen d n tudrin nsen, am lebni n leǧwamaɛ, 11 n leǧwamaɛ, yal tadert s yiwen ig tewabnan, am aken fetḥen iberdan ger tudrin, benan ixxamen n yelmeẓyen d isenfaren nniḍen. Aya imi taɣiwant n Ifiɣa ur d-tesfayed ara s yiwet n tedrimt n sin imelyaren n sentim ayen yeǧan lexsas d win meqren.
Aɣbel n wamen d win iceɣben lɛama
Aɣbel n ucuddu ɣer uqadus n waman d win iceɣben imezdaɣ. Setta n tudrin n teɣiwant ig tucudden ɣer ugadus i-d yusan seg wasif n Sibau tidiren lexsas am nebdu am cetewa ɣas akken lexzenat n waman d tid iɛmren. Ugur d win yaɛnan teywat n waman yeqersen seg yal tamma, aman d wid iṭiɛin yal ass deg iberdan d leḥwari, ayen yeǧan aman ur taweḍen ara ɣer yak ixxamen. S wakka iwulem uɛwed n teyuwat s leɛǧlan deg teɣiwant-a i-d yesfayeddin s yiwen usenfar deg ussegas n 2008 u ara assa mal at teraju…Si tamma niḍen aɣbel n usufeɣ n waman ur nezedig ara, ladɣa deg tadert n Mǧqnea d Awrir, d win mazal ur zedufin tifrat acku tadrimt n teɣiwant ur d-teqad ara.
Legaz n temdint yeweḍ ɣer tudrin
Asenfar n ucuddu n ixxamen ɣer uqadus n legaz d win iteddun, u lecɛl d win yeweḍen ɣer tagara nesen deg lemqar n teɣiwant d kera n tudrin aya imi ulac imezdaɣ yugin ad iɛdi ugadus deg wakel nesen ɣas iwakken ad iɛddi ɣer teɣiwanin niḍen. Si tamma niḍen iberdan d wid iwenɛn, ulla d terisisti d tin ig lan yak deg tudrin n teɣiwant.
Deg tagara taɣiwant n Ifiɣa d tin yesaramen ad tesefayeddi s yiwen uxxam amayenut n teɣiwant imi win yellan tura d win meẓiyen maḍi, ayen yeǧan serabes ur teddun ara akken yeweqem.
D.I