Lbaṭaṭa, asenfar iseqdacent s waṭas twaculin tizzayriyin, d tin ineɣsen acemma, asseggas-a deg le wilaya n Tizi Wezzu. Ɛla ḥsab n tnemhalt n tefellaḥt sebba n teswiɛt-a d ageffur i yewweten s waṭas deg lawan n tuẓut. Ar ass-a, azal n 279 325 iqṭaren i d-ittusekfelen deg 1480 hectares, (wazal n 232 iq/ha), deg lawan i deg urjan yimḍbren n tefellaḥt azal n 375 000 iqṭaren. Ad ner lwelha belli amur ameqren (azal n 60 di lemya) n lɣella n lebatata n tettuseqdac i tuẓut, alarmi ula d lwilayat niḍen (Begayet, Bumerdes, Tubiret d Seṭif) qeṭṭunt n lbatata n tuẓut seg Tizi Wezzu.
D.I
Buzegan
Qrib ad tewjed tmeskerḍit
Lecɣal n lebni n tmeskerḍit deg taddart n At Yexlef deg tɣiwant n Buzegan i d-yezgan deg usamar n lwilaya n Tizi Wezzu, d wid ara yekfun deg kra n wussan zdat neɣ. Ad ner lwelha belli timeskerḍit-a i yettwaenan deg umekan n suq aqdim, tama n uɣerbaz amenzu d tin ara yesifsusen taɛkumt ɣef temkerḍit n lemqar n tɣiwant. Am akken ara tesefreḥ imezdaɣ iwumi yewweḍ leqidar nsen ɣer 30 000 deg 23 n tudrin, ladɣa inelmaden d isdawiyen d wid i iḥemlen taseklla s umata. Ladɣa, imi taɣiwant-a d tin deg yella lexsas meqren deg weḥric n waddal d yedles ma newala leḥsab n imezdaɣ.Si tama niḍen yesunefk ad ner tamawt belli asenfar n wahil n lebni n yiwet n temeskerḍit I yal taɣiwant d win ur nettuddu ara akken iwata s sebba n lexsas n wakal n lebni d uɛṭel i d-yettilin deg usewejed nesent s-ɣur tikubaniyin n lebni.
D. I